Wday.ru nashri qaysi mashhur kishilar qo‘lida belkurak va xaskash bilan tomorqa egatlarida vaqt o‘tkazishdan tortinmasliklari bilan qiziqdi.
Sindi Krouford
Haqiqiy model egatlar orasida ham ajoyib ko‘rinadi! Sindi Krouford o‘z blogida ajoyib suratlar bilan o‘rtoqlashadi: uning bog‘idagi gullar o‘z-o‘zidan emas, balki egasining qat'iy rahbarligi ostida o‘sadi.
Keyt Middlton
Keyt Middltonning bog‘da ishlayotgan suratlari butun dunyo ommaviy axborot vositalarida e’lon qilindi. Gersoginya muntazam ravishda bog‘ badiiy ko‘rgazmalarida qatnashadi va qo‘llarini iflos qilishdan qo‘rqmaydigan florist sifatida tanildi.
Riz Uizerspun
Riz tomorqada ishlashni faol qo‘llab-quvvatlaydi va amalda ham buni tasdiqlaydi: uning Kaliforniyada ranchosi bor, u yerda bodring, pomidor yetishtiradi va tovuq boqadi.
Opra Uinfri
Opra Uinfrining shunchaki bog‘ emas, balki Gavayidagi butun boshli fermasi bor, u yerda meva va sabzavotlar yetishtiradi, o‘z blogida hosil suratlarini g‘urur bilan joylashtiradi. Teleboshlovchi hozirda hech narsaga muhtoj emas, lekin Amerikadagi eng boy ayollardan biri maqomi uning sevimli biznesi bilan shug‘ullanishiga va egatlarda mehnat qilishiga to‘sqinlik qilmaydi.
Kim Uayld
Kim Uayld 80-yillarda o‘smirlarning kumiri edi (u hozir ham konsertlar beradi), ammo hozirda xonanda qishloq xo‘jaligiga qiziqib qolgan. U hatto Britaniyada qishloq xo‘jaligi mavzusida ma'ruzalar ham qilib turadi.
Milla Yovovich
Milla Yovovich internetda o‘zining gul bog‘i bilan maqtanib, birinchi asalarilar uning gullariga uchib kelganini va ularning gullar orasidan g‘uvullashini eshitib, nihoyatda xursand bo‘lganini yozgan. O‘tgan yili esa deyarli har kuni Milla o‘zining qovoq va sabzi fotosuratini namoyish qilgandi.
Gvinet Peltrou
Gvinet Peltrou “yashil” turmush tarzining juda faol targ‘ibotchisi, u hatto o‘zining Goop veb-saytiga ega bo‘lib, u yerda tez-tez o‘z maslahatlarini baham ko‘radi.
Charlz III
Charlz III — bog‘dorchilikning eng mashhur va faol himoyachilaridan biri. Bundan tashqari, u nafaqat o‘zi mahsulot yetishtiradi, balki butun Britaniya bo‘ylab bog‘larni saqlab qolish uchun shaxsiy boyligidan katta mablag‘ sarflaydi va turli tadbirlarda tez-tez shu mavzuda gapiradi.
Zoyi Deshanel
"Yozning 500 kuni" filmi yulduzi Zoi Deshanel ba'zan o‘z blogida o‘zi yetishtirgan sabzavotlari bilan namoyish etilgan fotosuratlarni joylashtiradi, shuningdek, xuddi shu sabzavotlardan pishiradigan taomlar suratlarini baham ko‘rishni yaxshi ko‘radi.
Sting
Sting nafaqat go‘zallik uchun harakat qiladi, balki u o‘z tomorqasida meva-sabzavot, parrandachilik va hayvonlarni ham yetishtiradi. Uzoq vaqt davomida Sting vegetarian bo‘lgan, ammo hozir hayvonlar mahsulotini iste'mol qiladi. Ammo ma’lum sabablarga ko‘ra, u faqat o‘zi yetishtirgan narsani yeydi.
Elizabet Xyorli
Elizabe Xyorli uchun organik meva va sabzavotlar yetishtirish nafaqat sevimli mashg‘ulot, balki biznesda ham. Uning Britaniyadagi fermasi deyarli 2 gektarni egallaydi va egasiga yaxshi daromad keltiradi. Elizabetning fermasida ishlab chiqarilgan organik batonchalar mahalliy aholi orasida mashhur.
Izoh (0)