Wday.ru нашри қайси машҳур кишилар қўлида белкурак ва хаскаш билан томорқа эгатларида вақт ўтказишдан тортинмасликлари билан қизиқди.
Синди Кроуфорд
Ҳақиқий модель эгатлар орасида ҳам ажойиб кўринади! Синди Кроуфорд ўз блогида ажойиб суратлар билан ўртоқлашади: унинг боғидаги гуллар ўз-ўзидан эмас, балки эгасининг қатъий раҳбарлиги остида ўсади.
Кейт Миддлтон
Кейт Миддлтоннинг боғда ишлаётган суратлари бутун дунё оммавий ахборот воситаларида эълон қилинди. Герцогиня мунтазам равишда боғ бадиий кўргазмаларида қатнашади ва қўлларини ифлос қилишдан қўрқмайдиган флорист сифатида танилди.
Риз Уизерспун
Риз томорқада ишлашни фаол қўллаб-қувватлайди ва амалда ҳам буни тасдиқлайди: унинг Калифорнияда ранчоси бор, у ерда бодринг, помидор етиштиради ва товуқ боқади.
Опра Уинфри
Опра Уинфрининг шунчаки боғ эмас, балки Гавайидаги бутун бошли фермаси бор, у ерда мева ва сабзавотлар етиштиради, ўз блогида ҳосил суратларини ғурур билан жойлаштиради. Телебошловчи ҳозирда ҳеч нарсага муҳтож эмас, лекин Америкадаги энг бой аёллардан бири мақоми унинг севимли бизнеси билан шуғулланишига ва эгатларда меҳнат қилишига тўсқинлик қилмайди.
Ким Уайлд
Ким Уайлд 80 йилларда ўсмирларнинг кумири эди (у ҳозир ҳам концертлар беради), аммо ҳозирда хонанда қишлоқ хўжалигига қизиқиб қолган. У ҳатто Британияда қишлоқ хўжалиги мавзусида маърузалар ҳам қилиб туради.
Милла Йовович
Милла Йовович интернетда ўзининг гул боғи билан мақтаниб, биринчи асаларилар унинг гулларига учиб келганини ва уларнинг гуллар орасидан ғувуллашини эшитиб, ниҳоятда хурсанд бўлганини ёзган. Ўтган йили эса деярли ҳар куни Милла ўзининг қовоқ ва сабзи фотосуратини намойиш қилганди.
Гвинет Пелтроу
Гвинет Пелтроу «яшил» турмуш тарзининг жуда фаол тарғиботчиси, у ҳатто ўзининг Goop веб-сайтига эга бўлиб, у ерда тез-тез ўз маслаҳатларини баҳам кўради.
Чарльз III
Чарльз III — боғдорчиликнинг энг машҳур ва фаол ҳимоячиларидан бири. Бундан ташқари, у нафақат ўзи маҳсулот етиштиради, балки бутун Британия бўйлаб боғларни сақлаб қолиш учун шахсий бойлигидан катта маблағ сарфлайди ва турли тадбирларда тез-тез шу мавзуда гапиради.
Зойи Дешанел
"Ёзнинг 500 куни" фильми юлдузи Зои Дешанел баъзан ўз блогида ўзи етиштирган сабзавотлари билан намойиш этилган фотосуратларни жойлаштиради, шунингдек, худди шу сабзавотлардан пиширадиган таомлар суратларини баҳам кўришни яхши кўради.
Стинг
Стинг нафақат гўзаллик учун ҳаракат қилади, балки у ўз томорқасида мева-сабзавот, паррандачилик ва ҳайвонларни ҳам етиштиради. Узоқ вақт давомида Стинг вегетариан бўлган, аммо ҳозир ҳайвонлар маҳсулотини истеъмол қилади. Аммо маълум сабабларга кўра, у фақат ўзи етиштирган нарсани ейди.
Элизабет Хёрли
Элизабе Хёрли учун органик мева ва сабзавотлар етиштириш нафақат севимли машғулот, балки бизнесда ҳам. Унинг Британиядаги фермаси деярли 2 гектарни эгаллайди ва эгасига яхши даромад келтиради. Элизабетнинг фермасида ишлаб чиқарилган органик батончалар маҳаллий аҳоли орасида машҳур.
Изоҳ (0)