Rossiya tashqi ishlar vaziri o‘rinbosari Oleg Syromolotov AQSH va uning ittifoqchilari Afg‘oniston bilan chegaradosh hududlarda vaziyatni beqarorlashtirishga urinayotganini aytdi. Bu haqda “RIA Novosti” xabar berdi.
“Hozirda AQSH va uning ittifoqchilari o‘zlarining geosiyosiy o‘yinlarida davom etib, Afg‘onistonning o‘zida ham, unga chegaradosh hududlarda ham vaziyatni beqarorlashtirishga astoydil hissa qo‘shmoqda”, — dedi Rossiya tashqi ishlar vaziri o‘rinbosari.
Uning so‘zlariga ko‘ra, hozirda sodir etilayotgan xatti-harakatlar “nazorat ostidagi tartibsizlik” tushunchasini bildiradi.
Avvalroq AQSH Rossiyani sobiq afg‘on armiyasidan askarlarni Ukrainadagi urushga yollaganlikda gumon qilgandi. Maxsus kuchlar ular bilan WhatsApp va Signal messenjerlari orqali bog‘langani aytilmoqda. Foreign Policy manbalari 10 000 ga yaqin sobiq askarlar taklifni qabul qilgan bo‘lishi mumkinligini bildirdi.
Izoh (0)