Россия ташқи ишлар вазири ўринбосари Олег Сйромолотов АҚШ ва унинг иттифоқчилари Афғонистон билан чегарадош ҳудудларда вазиятни беқарорлаштиришга уринаётганини айтди. Бу ҳақда «РИА Новости» хабар берди.
«Ҳозирда АҚШ ва унинг иттифоқчилари ўзларининг геосиёсий ўйинларида давом этиб, Афғонистоннинг ўзида ҳам, унга чегарадош ҳудудларда ҳам вазиятни беқарорлаштиришга астойдил ҳисса қўшмоқда», — деди Россия ташқи ишлар вазири ўринбосари.
Унинг сўзларига кўра, ҳозирда содир этилаётган хатти-ҳаракатлар «назорат остидаги тартибсизлик» тушунчасини билдиради.
Аввалроқ АҚШ Россияни собиқ афғон армиясидан аскарларни Украинадаги урушга ёллаганликда гумон қилганди. Махсус кучлар улар билан WhatsApp ва Signal мессенжерлари орқали боғлангани айтилмоқда. Foreign Policy манбалари 10 000 га яқин собиқ аскарлар таклифни қабул қилган бўлиши мумкинлигини билдирди.
Изоҳ (0)