MDH mamlakatlari o‘rtasida korrupsiya jinoyatlarini amalga oshirgan shaxslarni qidirish, qo‘lga olish va topshirish sohasida hamkorlik qilish to‘g‘risida kelishuv imzolandi, deb yozadi Tengrinews.
26-oktabr kuni tarkibiga Armaniston, Belarus, Qozog‘iston, Qirg‘iziston, Rossiya va Tojikiston kiradigan Davlatlararo korrupsiyaga qarshi kurash kengashi videokonferensiya formatida yig‘ilish o‘tkazgan. Ushbu kengash o‘z faoliyati haqida MDH Davlat rahbarlari kengashiga hisob beradi. Bu yil kengashga Qozog‘iston raislik qilmoqda.
Kelishuv doirasida quyidagilar amalga oshiriladi:
- korrupsiya haqidagi jinoyat ishlari bo‘yicha hamkorlik qilinadi;
- korrupsiya jinoyatlari bo‘yicha muvofiqlashtirilgan va kelishilgan tezkor-qidiruv, tezkor profilaktik tadbirlar va maxsus operatsiyalar o‘tkaziladi;
- korrupsiya jinoyatlarini amalga oshirgan shaxslarni qidirish, ushlash va topshirish, korrupsiyadan olgan daromadlarni qaytarish sohasida hamkorlik qilinadi;
- korrupsiyaga qarshi kurash sohasida axborot tizimlari yaratiladi va qo‘llaniladi;
- korrupsiyaga qarshi kurash bo‘yicha strategiyalar, dasturlar va rejalar ishlab chiqiladi;
- aksilkorrupsiyaviy monitoring natijalari bilan ayirboshlash amalga oshiriladi;
- kadrlar malakasi oshiriladi va hokazo.
Izoh (0)