AQSH Harbiy-dengiz kuchlari armiya bilan birgalikda gipertovushli raketani uchirib, uning komponentlarini sinovdan o‘tkazdi. Bu haqda Amerika HDK xabar bermoqda. Sinovlar muvaffaqiyatli kechgani aytilmoqda.
Raketa NASA’ning Virjiniyadagi parvoz majmuasidan uchirilgan. Sinovlar doirasida gipertovushli qurol uchun aloqa va navigatsiya uskunalari, shuningdek, “haqiqiy gipertovushli muhitda” qizib ketishga qarshi chidamli bo‘lgan materiallar tekshiruvdan o‘tgan.
Avgust oyida AQSH va Norvegiya ikki davlatning uzoq masofaga uchuvchi gipertovushli va tezyurar qurollarni yaratish bo‘yicha qo‘shma loyihasi doirasida qattiq yonilg‘ida ishlaydigan havo-reaktiv dvigatelli uchar apparatni sinovdan o‘tkazgan edi.
Iyulda esa AQSH Raytheon Technologies harbiy sanoat kompaniyasining gipertovushli raketasi muvaffaqiyatli sinovdan o‘tkazilgani haqida ma’lum qilgandi.
Gipertovushli qurol sinovdan o‘tkazilgani haqida Pentagon 13-iyulda ham xabar bergan, o‘shanda sinovlar Rossiya va Xitoyda gipertovushli raketalar sinovi muvaffaqiyatliroq kechayotgani tufayli, AQSH xavotirlari kuchayib borayotgan bir paytda o‘tkazilayotgani aytilgandi.
Izoh (0)