Xitoy AQSH bilan totuvlikning o‘zaro hurmat va manfaatli hamkorlikka asoslangan yo‘lini izlashga tayyor. Bunday siyosat nafaqat ikki davlat, balki butun dunyoga manfaat keltiradi. Bu haqda XXR raisi Si Szinpin AQSH—Xitoy munosabatlari milliy qo‘mitasining yillik ziyofati ishtirokchilariga yo‘llagan tabrik maktubida aytib o‘tdi, deb yozadi CCTV.
Si Szinpin dunyodagi mavjud vaziyatni notinch deb atadi.
“AQSH va Xitoy yirik davlatlar sifatida dunyoda barqarorlik va ishonchni oshirish uchun aloqalarni rivojlantirishi hamda ikki tomonlama hamkorlikni kuchaytirishi kerak”, — dedi u.
Oktabr oyi oxirida bo‘lib o‘tgan Xitoy Kommunistik partiyasining (KKP) 20-Milliy qurultoyida Si Szinpin uchinchi muddatga partiya Markaziy qo‘mitasining bosh kotibi va mamlakat rahbari etib saylandi.
Si Szinpindan oldingi prezidentlar mamlakatni ikki besh yillik muddatga boshqargan. Biroq 2018-yilda konstitutsiyaga o‘zgartirish kiritilib, mamlakatni cheksiz muddatga boshqarishga ruxsat berildi.
Izoh (0)