Rossiya prezidenti Vladimir Putin Ukraina bilan jiddiy muzokaralardan manfaatdor emas va urushni davom ettirib, hali ham maksimalistik maqsadlar ortidan quvmoqda — Rossiya rahbarining bayonotlari shundan darak bermoqda, deb yozadi AQSHning Urushni tadqiq qilish instituti (ISW) tahlilchilari.
MDH xavfsizlik organlari va maxsus xizmatlari vakillari bilan yaqinda bo‘lib o‘tgan uchrashuvda Putin Ukraina “suverenitetini yo‘qotgani”ni va AQSH undan Rossiya, Rossiya-Belarus ittifoq davlati, KXSHT va MDHga qarshi “taran sifatida foydalanayotgani”ni aytgan.
Rossiya Davlat dumasi spikeri Vyacheslav Volodin bu bayonotni kengaytirib, “Ukraina davlat sifatida mavjud bo‘lish imkoniyatini yo‘qotgani”, “NATO tomonidan egallab olingani” va “AQSH mustamlakasiga aylangani” haqida gapirdi.
Bunday muomala nizoni tartibga solish u yoqda tursin, o‘t ochishni to‘xtatish haqida tengma-teng muzokaralarga zid keladi, deya qayd etdi tahlilchilar. Ularning fikricha, Kreml hamon Ukrainada harbiy g‘alabaga va Kiyevda hokimiyatni rossiyaparast rejimga aylantirishga intilmoqda.
Mavzuga doir:
- Lavrov Rossiya va Ukrainaning mart oyidagi kelishuvlari AQSH sabab buzilganini aytdi (video)
- Putin Kiyevni o‘t ochishni to‘xtatib, muzokaralar stoliga qaytishga chaqirdi
- “Dunyo ularning tanobini tortib qo‘ymadi, biz esa tortyapmiz”. Zelenskiy Rossiya Ukraina bilan muzokaralar haqida “hech qachon o‘ylamaganini” aytdi
Izoh (0)