Xarkovda 6 oy bunkerda yashagan odam, Donetskdagi neftbazada yong‘in. Urushning 245-kunidan fotoreportaj
Rossiya “Grom” strategik yadroviy kuchlarining mashg‘ulotlarini o‘tkazdi, bu 2022-yil hisobida ikkinchi shunday mashg‘ulot. Dmitriy Peskov urushga safarbar qilinganlar uchun zarur anjomlar yetishmayotganini tan oldi, lekin “vaziyatni to‘g‘irlash uchun shoshilinch choralar ko‘rilayotganini” aytdi. “Tayga.info” nashrining yozishicha, Sibir mintaqasidan safarbar qilinganlarning deyarli yarmining oilasi zo‘rg‘a tirikchilik qiladi. Rossiyada safarbar qilingan shaxsga nisbatan qochish bo‘yicha birinchi ish ochildi. Polsha Senati Rossiya Federatsiyasi hukumatini “terrorchi rejim” deb e’lon qildi. Anneksiya qilingan Donetsk xalq respublikasining Shaxtyorsk shahri meri Aleksandr Shatov Ukraina Qurolli kuchlari shaharni o‘qqa tutgani haqida ma’lum qildi. Shaharda neftbaza, yonilg‘i baklari, xususiy turar joy binolari va avtovokzal binosi yonib ketdi. Meduza urushning 245-kuniga oid asosiy fotosuratlarni taqdim etdi.
Xarkov viloyati, Supovka qishlog‘ida qolgan yagona odam
Xarkov viloyati, Supovka qishlog‘idagi temiryo‘l yonida majaqlangan mashina. Supovka urushning dastlabki kunlarida bosib olingan, bahor oxiri va yoz boshida qishloq uchun qattiq janglar bo‘lgan. Xarkov viloyati davlat ma’muriyati ma’lumotlariga ko‘ra, Ukraina Qurolli kuchlari 15-sentabr kuni Supovkani ozod qildi.Foto: Reuters
Darvozada “Yovuz siyosatchini to‘xtating” degan yozuv.Foto: Reuters
Qishloqdagi vayron bo‘lgan uy, uning singan derazalariga eshik bilan to‘siq qilingan.Foto: Reuters
65 yoshli Mixail Yurkov olti oy davomida bunkerda yashiringan. Jang paytida Supovkadagi Tatarka daryosi ustidan o‘tuvchi ko‘prik vayron bo‘lgach, qishloq ikkiga bo‘lindi. Yurkov qishloqning yarim qismida yolg‘iz qolgan.Foto: Reuters
Mixail Yurkov olti oy bunkerda yashaganidan so‘ng uyiga qaytib keldi. Otishma paytida uy jiddiy shikastlangan, shuning uchun Mixail stulni ovqatlanadigan stol sifatida ishlatib turibdi.Foto: Reuters
Mixail Yurkov bunker eshigini ochmoqda, bu yerda u Supovka ozod qilingunga qadar olti oy o‘qlardan yashiringan.Foto: Reuters
Supovkadagi vayron bo‘lgan uy yonida ishdan chiqqan harbiy yuk mashinasi.Foto: Reuters
Ukraina shaharlarida elektr uzilishlari
Dnepr shahridagi ko‘prik. Rossiya tomonidan o‘qqa tutishlar (asosan 10-oktabr kuni) paytida shikastlangan energetika infratuzilmasini tiklash maqsadida Ukraina hukumati butun mamlakat bo‘ylab elektr energiyasini bir necha soatga uzib qo‘yishga qaror qildi. Shaharlar ko‘chalarni yoritish cheklanmoqda.Foto: EPA
Dneprdagi bar.Foto: EPA
Odessa aholisi telefon fonarlari bilan yo‘lni yoritmoqda.Foto: EPA
Donetsk yaqinidagi neftbazada yong‘in
Donetsk viloyati, Shaxtyorsk shahridagi neftbaza atrofida turgan o‘t o‘chiruvchi. Donetsk xalq respublikasi okkupatsion ma’muriyatiga ko‘ra, Ukraina Qurolli kuchlarining hujumi oqibatida neftbaza yonib ketgan. Yong‘in yonilg‘i baklariga, keyin esa xususiy turar joy binolari va avtovokzal binosiga o‘tgan.Foto: “TASS”
Shaxtyorskdagi neftbazada yong‘inni o‘chirish ishlari ketmoqda. Vokzal yaqinidagi uylar aholisi evakuatsiya qilingan, hech kim jabrlanmadi.Foto: “TASS”
Izoh (0)