Россия президенти Владимир Путин Украина билан жиддий музокаралардан манфаатдор эмас ва урушни давом эттириб, ҳали ҳам максималистик мақсадлар ортидан қувмоқда — Россия раҳбарининг баёнотлари шундан дарак бермоқда, деб ёзади АҚШнинг Урушни тадқиқ қилиш институти (ISW) таҳлилчилари.
МДҲ хавфсизлик органлари ва махсус хизматлари вакиллари билан яқинда бўлиб ўтган учрашувда Путин Украина «суверенитетини йўқотгани»ни ва АҚШ ундан Россия, Россия-Беларусь иттифоқ давлати, КХШТ ва МДҲга қарши «таран сифатида фойдаланаётгани»ни айтган.
Россия Давлат думаси спикери Вячеслав Володин бу баёнотни кенгайтириб, «Украина давлат сифатида мавжуд бўлиш имкониятини йўқотгани», «НАТО томонидан эгаллаб олингани» ва «АҚШ мустамлакасига айлангани» ҳақида гапирди.
Бундай муомала низони тартибга солиш у ёқда турсин, ўт очишни тўхтатиш ҳақида тенгма-тенг музокараларга зид келади, дея қайд этди таҳлилчилар. Уларнинг фикрича, Кремль ҳамон Украинада ҳарбий ғалабага ва Киевда ҳокимиятни россияпараст режимга айлантиришга интилмоқда.
Мавзуга доир:
- Лавров Россия ва Украинанинг март ойидаги келишувлари АҚШ сабаб бузилганини айтди (видео)
- Путин Киевни ўт очишни тўхтатиб, музокаралар столига қайтишга чақирди
- «Дунё уларнинг танобини тортиб қўймади, биз эса тортяпмиз». Зеленский Россия Украина билан музокаралар ҳақида «ҳеч қачон ўйламаганини» айтди
Изоҳ (0)