Turkmaniston prezidenti Serdar Berdimuhamedov 24-oktabr kuni Bolqon viloyatining Turkmanboshi tumanida Dengiz o‘quv-mashq markazida bo‘lib o‘tgan harbiy mashg‘ulotlarni kuzatdi, deb xabar bermoqda “Xronika Turkmenistana”.
Turkmanboshida shahridagi aeroportda davlat rahbari qiruvchi, jangovar va yuk tashuvchi samolyotlarni ko‘zdan kechirgan. So‘ng u yerdan vertolyotda harbiy-dala mashg‘ulotlari o‘tkazilayotgan joyga yetib olgan.
Mudofaa vaziri Begench Gundogdiyev piyoda qo‘shinlar, harbiy-havo kuchlari, havo hujumiga qarshi mudofaa qo‘shinlari va harbiy-dengiz kuchlari shayligi haqida hisobot bergan.
Mashqlar chog‘ida harbiylar yerga va kemalarga o‘rnatilgan havo hujumiga qarshi mudofaa tizimlari yordamida havodagi nishonlarni urdi, Turkiyada ishlab chiqarilgan Bayraktar TB2 uchuvchisiz uchar qurilmasi, shuningdek, Emraer EMB Super Tucano vintli hujumchi samolyotlari va Aermacchi M-346 reaktiv samolyotlari yerdagi shartli dushman obyektlariga zarbalar berdi. Harbiylar maxsus bo‘linmalari bino va kemaning egallab olinishi jarayonini namoyish etdi.
Izoh (0)