Toshkentning 2 tumanidagi ayrim joylarda gaz ta’minoti vaqtincha to‘xtatiladi

Ta’mirlash ishlari tufayli 25-oktabr kuni Toshkent shahrining Mirobod va Yashnobod tumanlarining ba’zi joylarida gaz ta’minoti vaqtinchalik to‘xtatiladi. Bu haqda “Hududgaz poytaxt” xabar bermoqda.

Mirobod tumani Vodil ko‘chasida joylashgan gaz quvurini harakatdagi gaz quvuriga ulash ishlari rejalashtirilgan. Shu sababli 25-oktabr kuni soat 10:00 dan Mirobod tumani Qo‘shko‘prik, Farg‘ona yo‘li, Nukus 1-tor, Kichik halqa avtomobil yo‘li ko‘chalaridagi 400 ta xonadonda; Yashnobod tumani Bakiniskiy, Qashqadaryo, Mirg‘ob, Farg‘ona yo‘li, Obod makon, Elbek ko‘chalaridagi 2206 ta xonadonda hamda ushbu manzillardagi 41 ta ulgurji tashkilotda ta’mirlash ishlari tugagunga qadar tabiiy gaz ta’minoti vaqtinchalik to‘xtatiladi.

Shundan:

• davlat tashkilotlari — 15 ta;
• ishlab chiqarish korxonalari — 7 ta;
• maishiy xizmat ko‘rsatish shoxobchasi — 8 ta;
• sport majmuasi — 4 ta;
• umumiy ovqatlanish shoxobchasi — 4 ta;
• novvoyxona — 3 ta.

Ta’mirlash ishlari tugatilgandan so‘ng tabiiy gaz ta’minoti qayta tiklanadi. “Hududgaz poytaxt” gaz ta’minoti filiali ta’mirlash ishlari tufayli yetkazilayotgan noqulayliklar uchun tabiiy gaz iste’molchilaridan uzr so‘raydi, — deyiladi xabarda.