Ijtimoiy tarmoqlarda patrul avtomobili yo‘l-transport hodisasiga uchragani to‘g‘risida xabar tarqaldi. Toshkent viloyati yo‘l harakati xavfsizligi boshqarmasi holat yuzasidan ma’lumot berdi.
Ma’lum bo‘lishicha, 24-oktabr kuni soat 07:00 da Toshkent viloyati Angren shahri IIB YHXB YPX inspektori boshqaruvidagi Nexia-3 avtotransport vositasida hushyor holda ketayotgan bo‘lgan. Guliston—Bo‘ka—Angren—Qo‘qon va Andijon orqali—O‘sh xalqaro avtomobil yo‘lining 163-kilometrida Toshkent—Angren yo‘nalishida harakatlanib, yo‘lda yog‘ingarchilik oqibatida vujudga kelgan ko‘lmak tufayli boshqaruvni yo‘qotgan. So‘ng yo‘lni ikkiga ajratuvchi beton to‘siqqa urilishi oqibatida yo‘l-transport hodisasi sodir etgan.
Ushbu yo‘l-transport hodisasi sabab patrul avtomobili texnik shikastlangan. Haydovchi va atrofdagi harakat ishtirokchilariga hech qanday ziyon yetmagan.
Izoh (1)
Қўрқмасдан тезлик катта бўлоган деб ёзаверинг.