Qashqadaryo viloyatining G‘uzor tumanida xizmat burchini bajarayotgan 57 yoshli shifokorni kaltaklagan shaxs qamoqqa olindi. Bu haqda viloyat IIB matbuot xizmati xabar berdi.
Unda aytilishicha, 14-oktabr kuni G‘uzor tumani tibbiyot birlashmasi shoshilinch tez tibbiy yordam xizmati jonlantirish bo‘limiga yuqori qon bosimi tashxisi bilan G‘uzor tumani Mustaqillik mahallasida yashovchi D.O. olib kelingan. Oradan hech qancha fursat o‘tmasdan D.O.ning turmush o‘rtog‘i va bolalari shifoxonada janjal qilib, bemorning o‘g‘li R.A. jamiyatda yurish-turish qoidalarini buzib, navbatchi-shifokor T.H.ni haqorat qilib, urib, do‘pposlab, tan jarohati yetkazgan.
Viloyat sog‘liqni saqlash boshqarmasi bergan xabarga ko‘ra, shifokor kalla va bosh miya shikastlanishi, bosh miya chayqalishi, burun suyagining ochiq sinishi, burun asosi ezilib, yirtilgan jarohati, yuqori jag‘ o‘ngdan qoziq tishning travmatik sinishi, ikkala qovoq-burun asosi gematomalari tashxisi bilan travmatologiya bo‘limiga yotqizilgan.
Mazkur holat yuzasidan olib borilgan dastlabki tergov harakatlari natijasida fuqaro R.A.ga nisbatan 20-oktabr kuni Jinoyat kodeksining 277-moddasi (bezorilik) 3-qismi “g” bandi bilan ayblov e’lon qilinib, u Jinoyat protsessual kodeksining 221-moddasi tartibida ushlangan va Jinoyat ishlari bo‘yicha G‘uzor tuman sudining ajrimiga asosan ayblanuvchi R.A.ga nisbatan qamoqqa olish tarzidagi ehtiyot chorasi qo‘llanilgan.
Ayni paytda tergov harakatlari davom etmoqda.
Izoh (1)
Moziyga qarab ish tutmoq hayrlidir.
100yil oldinggi tarixga nazar solsak Ozbek Ozbekiston xududi ancha kengroq edi.