23-oktabr kuni Toshkentda Vazirlar Mahkamasi huzuridagi Madaniyat va san’atni rivojlantirish jamg‘armasi tomonidan Fransiyaning Les Poissons Volants kinokompaniyasi, ARTE madaniyat telekanali va Luvr muzeyi bilan hamkorlikda yaratilgan film taqdimoti bo‘lib o‘tdi, deb xabar bermoqda Daryo muxbiri.
Ushbu film rejissor Jivko Darakchiyev tomonidan suratga olingan bo‘lib, O‘rta Yer dengizi va Xitoy o‘rtasidagi Markaziy Osiyoning qoq yuragi – turli tamaddunlar, madaniyatlar, dinlar va turmush tarzlari ro‘baro‘ bo‘ladigan vohaga karvon yo‘llari bo‘ylab harakatlanayotgan g‘oyibona sayohatchilar tilidan so‘zlanuvchi hikoya hisoblanadi.
- Foto: Madaniyat va san’atni rivojlantirish jamg‘armasi matbuot xizmati
Ushbu film O‘zbekiston va Fransiya o‘rtasidagi yaqin va samarali hamkor mustahkamlanib borayotganining yana bir yorqin dalili. Bizning maqsadimiz O‘zbekistonning bebaho, madaniy merosini jahon madaniyat maydonida keng yoyish va madaniyatlararo almashinuvni rivojlantirishdan iborat. Ushbu film ikki davlat o‘rtasidagi madaniyatlararo aloqalarni rivojlantirishga xizmat qiladi.Hujjatli film turkum virtual va arxiv kadrlar shaklida qurilgan bo‘lib, tomoshabinlarga karvon yo‘llarining o‘ziga xos madaniyati – ipak, ziravorlar, qimmatbaho metall va boshqa nihoyatda turfa buyumlar ortilgan ularning ot va tuyalarga ega ko‘chmanchilar madaniyatini kashf qilish imkonini beradi.Madaniyat va san’atni rivojlantirish jamg‘armasi yurtimizning boy madaniyati va tarixi haqidagi bilimlarini xalqaro hamjamiyatiga nafaqat ko‘rgazmalar orqali balki kino san’ati vositasida ham yetkazishni tanlagani e’tiborga loyiq.
O‘zbekiston: Markaziy Osiyo bo‘ylab zamonlar osha sayohat filmi dunyoning turli burchaklarida yashovchi tomoshabinlarni biz bilan va albatta, film qahramonlari hamrohligida g‘aroyib, qiziqarli ma’lumotlarga to‘la sayohatlarga boshlashidan benihoya mamnunmiz, — dedi Madaniyat va san’atni rivojlantirish jamg‘armasi Kengashi raisi o‘rinbosari Saida Mirziyoyeva.
- Foto: Madaniyat va san’atni rivojlantirish jamg‘armasi matbuot xizmati
Filmni suratga olish jarayonlari 6 oy davom etdi va Toshkent, Samarqand, Buxoro, Xorazm va Nukus kabi viloyatlarida bo‘lib o‘tdi. Ushbu loyihaning g‘oyasi Madaniyat va san’atni rivojlantirish jamg‘armasi tomonidan berildi hamda loyiha doirasida Luvr muzeyi hamda mahalliy restavratorlar tomonidan 70 dona osori-atiqalarimiz ham restavratsiya qilindi, — deydi Madaniyat va san’atni rivojlantirish jamg‘armasi ijrochi direktori maslahatchisi Elmurod Najimov.Ming yillik an’analarni bugungi kunga qadar saqlab va rivojlantirib kelayotgan ustalar tomonidan yaratilgan uy-ro‘zg‘or buyumlari, haykallar, devoriy surat, bezak, mahobatli obidalar orqali tomoshabinga Samarqand vohasining sir-asrorlari ochib beriladi.
Izoh (0)