23 октябрь куни Тошкентда Вазирлар Маҳкамаси ҳузуридаги Маданият ва санъатни ривожлантириш жамғармаси томонидан Франциянинг Les Poissons Volants кинокомпанияси, ARTE маданият телеканали ва Лувр музейи билан ҳамкорликда яратилган фильм тақдимоти бўлиб ўтди, деб хабар бермоқда Дарё мухбири.
Ушбу фильм режиссёр Живко Даракчиев томонидан суратга олинган бўлиб, Ўрта Ер денгизи ва Хитой ўртасидаги Марказий Осиёнинг қоқ юраги – турли тамаддунлар, маданиятлар, динлар ва турмуш тарзлари рўбарў бўладиган воҳага карвон йўллари бўйлаб ҳаракатланаётган ғойибона саёҳатчилар тилидан сўзланувчи ҳикоя ҳисобланади.
- Фото: Маданият ва санъатни ривожлантириш жамғармаси матбуот хизмати
Ушбу фильм Ўзбекистон ва Франция ўртасидаги яқин ва самарали ҳамкор мустаҳкамланиб бораётганининг яна бир ёрқин далили. Бизнинг мақсадимиз Ўзбекистоннинг бебаҳо, маданий меросини жаҳон маданият майдонида кенг ёйиш ва маданиятлараро алмашинувни ривожлантиришдан иборат. Ушбу фильм икки давлат ўртасидаги маданиятлараро алоқаларни ривожлантиришга хизмат қилади.Ҳужжатли фильм туркум виртуал ва архив кадрлар шаклида қурилган бўлиб, томошабинларга карвон йўлларининг ўзига хос маданияти – ипак, зираворлар, қимматбаҳо металл ва бошқа ниҳоятда турфа буюмлар ортилган уларнинг от ва туяларга эга кўчманчилар маданиятини кашф қилиш имконини беради.Маданият ва санъатни ривожлантириш жамғармаси юртимизнинг бой маданияти ва тарихи ҳақидаги билимларини халқаро ҳамжамиятига нафақат кўргазмалар орқали балки кино санъати воситасида ҳам етказишни танлагани эътиборга лойиқ.
Ўзбекистон: Марказий Осиё бўйлаб замонлар оша саёҳат фильми дунёнинг турли бурчакларида яшовчи томошабинларни биз билан ва албатта, фильм қаҳрамонлари ҳамроҳлигида ғаройиб, қизиқарли маълумотларга тўла саёҳатларга бошлашидан бениҳоя мамнунмиз, — деди Маданият ва санъатни ривожлантириш жамғармаси Кенгаши раиси ўринбосари Саида Мирзиёева.
- Фото: Маданият ва санъатни ривожлантириш жамғармаси матбуот хизмати
Фильмни суратга олиш жараёнлари 6 ой давом этди ва Тошкент, Самарқанд, Бухоро, Хоразм ва Нукус каби вилоятларида бўлиб ўтди. Ушбу лойиҳанинг ғояси Маданият ва санъатни ривожлантириш жамғармаси томонидан берилди ҳамда лойиҳа доирасида Лувр музейи ҳамда маҳаллий реставраторлар томонидан 70 дона осори-атиқаларимиз ҳам реставрация қилинди, — дейди Маданият ва санъатни ривожлантириш жамғармаси ижрочи директори маслаҳатчиси Элмурод Нажимов.Минг йиллик анъаналарни бугунги кунга қадар сақлаб ва ривожлантириб келаётган усталар томонидан яратилган уй-рўзғор буюмлари, ҳайкаллар, деворий сурат, безак, маҳобатли обидалар орқали томошабинга Самарқанд воҳасининг сир-асрорлари очиб берилади.
Изоҳ (0)