Gollivud aktrisasi Anjelina Joli opera xonandasi Mariya Kallas haqidagi avtobiografik filmda suratga tushadi, deb xabar bermoqda “Pravila jizni” nashri.
“Mariya” filmi chililik rejissor Pablo Larrein tomonidan suratga olinadi. Ssenariy “Spenser” filmi va “Shelbilar oilasi” seriali ssenariysi muallifi Stiven Nayt tomonidan yoziladi. Nashrning yozishicha, film dunyoning eng mashhur opera xonandalaridan birining 1970-yillarda Parijdagi so‘nggi kunlaridagi “bo‘ronli, go‘zal va fojiali hayot qissasi”ni o‘z ichiga oladi va uni qayta tasavvur qilishga yordam beradi.
“Men Mariyaning hayoti va merosini tomoshabinlarga yetkazib berish mas’uliyatini juda jiddiy qabul qilaman. Bu vazifani bajarish uchun qo‘limdan kelgan barcha ishni qilaman. Pablo Larrein — meni uzoq vaqtdan beri hayratga solgan rejissor”, — deydi Joli. Aktrisa va Larrein bu loyihani “orzu” deb atagan.
“Kino va operani uyg‘unlashtirish — mening uzoq kutilgan orzuim edi, ikki eng chuqur ehtirosim. Buni jasur va izlanuvchan aktrisa Anjelina bilan qilish ajoyib imkoniyat. Haqiqiy sovg‘a”, — deydi film rejissori.
Mariya Kallas — Nyu-Yorkda tug‘ilgan, asli yunon bo‘lgan amerikalik soprano. Xonanda Italiyada yashab ijod qilgan. Kallas keyinchalik Jaklin Kennediga uylangan Aristotel Onassis bilan ishqiy munosabatda bo‘lgan.
Pablo Larrein — Natali Portman ishtirokidagi Jaklin Kennedi haqida suratga olingan “Jeki” biografik filmi, shuningdek, Kristen Styuart bosh rolni ijro etgan malika Diana haqidagi “Spenser” kartinasi muallifi hisoblanadi.
Mavzuga doir:
- Anjelina Joli, Meril Strip va boshqa mashhurlar haqida hatto ularning sodiq muxlislarini ham hayratda qoldiradigan faktlar (foto)
- Anjelina Joli bundan bir necha yil avval Bred Pitni zo‘ravonlikda ayblagani ma’lum bo‘ldi.
- Foto: Rianna, Anjelina Joli, Adel va boshqa mashhurlar qanday atirdan foydalanadi?
- Anjelina Joli, Jonni Depp, Al Pachino va o‘zi ishtirok etgan filmlarni ko‘rishni xohlamaydigan boshqa mashhurlar (foto).
Izoh (0)