Ижтимоий тармоқларда патруль автомобили йўл-транспорт ҳодисасига учрагани тўғрисида хабар тарқалди. Тошкент вилояти йўл ҳаракати хавфсизлиги бошқармаси ҳолат юзасидан маълумот берди.
Маълум бўлишича, 24 октябрь куни соат 07:00 да Тошкент вилояти Ангрен шаҳри ИИБ ЙҲХБ ЙПХ инспектори бошқарувидаги Nexia-3 автотранспорт воситасида ҳушёр ҳолда кетаётган бўлган. Гулистон—Бўка—Ангрен—Қўқон ва Андижон орқали—Ўш халқаро автомобиль йўлининг 163-километрида Тошкент—Ангрен йўналишида ҳаракатланиб, йўлда ёғингарчилик оқибатида вужудга келган кўлмак туфайли бошқарувни йўқотган. Сўнг йўлни иккига ажратувчи бетон тўсиққа урилиши оқибатида йўл-транспорт ҳодисаси содир этган.
Ушбу йўл-транспорт ҳодисаси сабаб патруль автомобили техник шикастланган. Ҳайдовчи ва атрофдаги ҳаракат иштирокчиларига ҳеч қандай зиён етмаган.
Изоҳ (1)
Қўрқмасдан тезлик катта бўлоган деб ёзаверинг.