Sentabr oyida O‘zbekistonda ikkilamchi (eski) uy-joy narxlarining o‘rtacha o‘sishi qayd etildi. Bu haqda “Daryo”ga Iqtisodiy tadqiqotlar va islohotlar markazi xabar bermoqda.
Hisob-kitoblar shuni ko‘rsatadiki, sentabr oyida ikkilamchi bozorda (eski uy-joylar) narxning o‘rtacha o‘sish sur’ati oyiga 1,1 foizni tashkil etdi.
Namangan — 5,9 foiz, Jizzax — 4,5 foiz va Farg‘ona viloyatlarida 4,4 foiz uy-joy narxining sezilarli o‘sishi kuzatilmoqda.
Qoraqalpog‘iston (-4,3 foiz), Xorazm (-1,7 foiz) va Qashqadaryo viloyatlarida (-0,4 foiz) uy-joy narxining pasayishi qayd etildi.
Toshkent shahri va viloyat administrativ markazlarida ikkilamchi uy-joy bozoridagi narxlar o‘zgarishi (1 kvadrat metr uchun dollarda):
Yil boshidan beri ikkilamchi bozorda 1 kvadrat metr uchun o‘rtacha uy-joy narxi 8,9 foizga oshdi.
Toshkent shahridagi ikkilamchi ko‘chmas mulk bozoridagi narxlarning o‘sishi 1,7 foizni tashkil etdi (avgust oyida 1,4 foiz, iyul oyida 2,4 foiz).
Uy-joy narxining eng katta o‘sishi Yunusobod, Yakkasaroy va Mirzo Ulug‘bek tumanlarida qayd etildi.
Toshkent shahrida 9 oy davomida uy-joy savdosi o‘tgan yilning shu davriga nisbatan 6 foizga o‘sdi. Toshkent viloyatida ro‘yxatga olingan shartnomalar soni 2,4 mingtani tashkil etdi.
Avvalroq O‘zbekistonda eski uylarni sotib olish uchun ipoteka kreditlari yil oxirida ochilishi mumkinligi haqida xabar berilgandi.
Izoh (0)