Сентябрь ойида Ўзбекистонда иккиламчи (эски) уй-жой нархларининг ўртача ўсиши қайд этилди. Бу ҳақда «Дарё»га Иқтисодий тадқиқотлар ва ислоҳотлар маркази хабар бермоқда.
Ҳисоб-китоблар шуни кўрсатадики, сентябрь ойида иккиламчи бозорда (эски уй-жойлар) нархнинг ўртача ўсиш суръати ойига 1,1 фоизни ташкил этди.
Наманган — 5,9 фоиз, Жиззах — 4,5 фоиз ва Фарғона вилоятларида 4,4 фоиз уй-жой нархининг сезиларли ўсиши кузатилмоқда.
Қорақалпоғистон (-4,3 фоиз), Хоразм (-1,7 фоиз) ва Қашқадарё вилоятларида (-0,4 фоиз) уй-жой нархининг пасайиши қайд этилди.
Тошкент шаҳри ва вилоят административ марказларида иккиламчи уй-жой бозоридаги нархлар ўзгариши (1 квадрат метр учун долларда):
Йил бошидан бери иккиламчи бозорда 1 квадрат метр учун ўртача уй-жой нархи 8,9 фоизга ошди.
Тошкент шаҳридаги иккиламчи кўчмас мулк бозоридаги нархларнинг ўсиши 1,7 фоизни ташкил этди (август ойида 1,4 фоиз, июль ойида 2,4 фоиз).
Уй-жой нархининг энг катта ўсиши Юнусобод, Яккасарой ва Мирзо Улуғбек туманларида қайд этилди.
Тошкент шаҳрида 9 ой давомида уй-жой савдоси ўтган йилнинг шу даврига нисбатан 6 фоизга ўсди. Тошкент вилоятида рўйхатга олинган шартномалар сони 2,4 мингтани ташкил этди.
Аввалроқ Ўзбекистонда эски уйларни сотиб олиш учун ипотека кредитлари йил охирида очилиши мумкинлиги ҳақида хабар берилганди.
Изоҳ (0)