Qozog‘iston hukumati mamlakat iqtisodiyotiga 300 ming dollar sarmoya kiritgan ishbilarmonlarga yashash uchun ruxsatnoma berishga tayyorlanmoqda. Bu haqda KazTAG xabar bermoqda.
Qozog‘iston prezidentining 2022-yil 1-sentabrdagi murojaatiga muvofiq, hozirgi bosqichda ko‘proq sarmoya kiritgan xorijlik ishbilarmonlarga 10 yil muddatga viza olish imkoniyatini berishga qaratilgan qonun loyihasini ishlab chiqish ishlari olib borilmoqda.
300 ming dollardan ko‘proq sarmoya kiritganlar Qozog‘istonda yashash uchun ruxsatnoma olish huquqiga ega, — dedi Qozog‘iston Bosh vaziri o‘rinbosari hamda Savdo va integratsiya vaziri Serik Jumangarin.Mavjud korxonalarga sarmoya kiritish, yuqori qo‘shimcha qiymatga ega sanoat mahsulotlari ishlab chiqarish, texnologiyalarni rivojlantirish va xizmatlar ko‘rsatishga ustunlik beriladi.
Ta’kidlanishicha, Qozog‘iston qo‘shimcha soliq tushumlari va yangi ish o‘rinlari yaratilishini ta’minlaydigan sarmoyalardan manfaatdor.
Avvalroq Rossiyadan Qozog‘istonga 50 dan ortiq xalqaro kompaniya ko‘chib o‘tgani ma’lum qilingandi.
Izoh (0)