AQSH prezidenti Jo Bayden Jorj Melonini Italiya bosh vaziri lavozimiga kirishgani bilan tabrikladi va o‘zaro hamkorlikka tayyorligini bildirdi. Bu haqda Oq uy bayonotiga tayanib, “Interfaks” xabar berdi.
“Jorj Melonini Italiya bosh vaziri lavozimiga kirishgani bilan tabriklayman”, — deyilgan Baydenning bayonotida.
Unda Italiya Qo‘shma Shtatlarning NATOdagi muhim ittifoqchisi va yaqin hamkori ekani ta’kidlanadi. Vashington Rimning Ukrainani qo‘llab-quvvatlash va Rossiyaga bosimni oshirishni, shuningdek, “inson huquqlari va demokratik qadriyatlarga hurmat, barqaror iqtisodiy o‘sishni ta’minlashni” davom ettirishiga umid bildirmoqda.
Meloni tomonidan tuzilgan Italiya hukumati 22-oktabr kuni qasamyod qabul qildi va rasman ishga kirishdi.
Izoh (0)