Texasning Dallas shahridagi Metodist tibbiyot markazining ikki xodimi muassasadagi otishmada halok bo‘ldi, hujumchi qo‘lga olindi. Bu haqda Fox News xabar bermoqda. Texas huquq-tartibot assotsiatsiyasi bosh direktori Charli Uilkinsonning aniqlik kiritishicha, tug‘ruqxona bo‘limining ikki hamshirasi halok bo‘lgan.
Dallas politsiyasiga ko‘ra, voqea 22-oktabr kuni kechqurun sodir bo‘lgan. Hujumchi, 30 yoshli Nestor Ernandes tibbiyot xodimlarini otib tashlagan va o‘zi ham kasalxona politsiyasi tomonidan yarador qilingan. Hujumchining ahvoli barqarorlashib, boshqa kasalxonaga ko‘chirilgan.
Metodist sog‘liqni saqlash politsiyasi Ernandesni qotillik aybi bilan hibsga oldi.
Avvalroq Oklaxoma shtati Talsa shahrida Maykl Lyuis ismli erkak shahar tibbiy markazi binosiga bostirib kirib, avvalroq o‘zini operatsiya qilgan jarrohni otib tashlagan edi. Bemor shifokorni o‘zidagi og‘riqlar tufayli o‘ldirganini ma’lum qilgan.
Izoh (0)