Futbol bo‘yicha Angliya Premyer Ligasining 13-turidan o‘rin olgan qator uchrashuvlar 23-oktabr, yakshanba kuni bo‘lib o‘tdi.
“Arsenal” safarda “Sauthempton”ga qarshi bahs olib bordi. Uchrashuvning 11-daqiqasida Granit Jaka londonliklarni oldinga olib chiqdi. 65-daqiqada maydon egalari muvozanatni tiklashga muvaffaq bo‘ldi. uchrashuvning qolgan vaqtida hisob o‘zgarmadi.
“Arsenal” 28 ochko bilan birinchi o‘rinni saqlab turibdi. “Sauthempton” ochkolarini 12 taga yetkazib olgan holda 15-pog‘onaga ko‘tarildi.
“Vulverhempton” maydonida mehmon bo‘lgan “Lester” raqibini tor-mor keltirdi. Yuri Tilemans, Harvi Barns, Jeyms Meddison va Jeymi Vardi tomonidan kiritilgan to‘plar “tulkilar”ga yirik g‘alabani taqdim etdi.
Stiven Jerrardni iste’foga chiqargan “Aston Villa” muvaffaqiyatsiz seriyasiga chek qo‘ydi. Birmingemliklar o‘z uyida “Brentford”ga javobsiz to‘rtta gol urdi.
APL
13-tur bahslari
23-oktabr, yakshanba
“Sauthempton” – “Arsenal” 1:1
Gollar: 0:1 – 11 Jaka, 1:1 – 65 Armstrong.“Sauthempton”: Bazunu, Voynovich, Chaleta-Sar, Salisu, Perro, Elyunussi, Armstrong (Edozi, 80), Uord-Prouz, Diallo, Aribo (Adams, 73), Armstrong (Uolkott, 73).
“Arsenal”: Remsdeyl, Uayt (Tirni, 72), Gabriel, Saliba, Tomiyasu, Jaka, Parti, Edegor (Fabiu Viyeyra, 83), Saka, Gabriel Jezus, Martinelli (Nketia, 71).
Ogohlantirishlar: Saka (29), Uolkott (89), Voynovich (90).
Izoh (0)