Islom Maxachevning keyingi raqibi kim bo‘ladi? Habib Nurmagomedov javob berdi

Yengil vazn toifasida UFC chempioni Islom Maxachevning murabbiyi va do‘sti Habib Nurmagomedov hamyurtining g‘alabasidan keyingi fikrlari bilan o‘rtoqlashdi.

Jangdan oldin Islom uni tinchitadi, deb aytgandim. Birinchi raund yaxshi va bir maromda o‘tdi. Islom bir yoki ikki marta kuchli zarba berishga erishdi. Boshida dastlabki raund qiyin bo‘ladi deb o‘ylagandik

G‘alabadan juda xursandman. Maxachev tarix yozdi va uni so‘zlar bilan ifodalab bo‘lmaydi.

Islomning navbatdagi maqsadi Ramazongacha jang qilish. Menga qolsa Volkanovskiga qarshi jang qilishini xohlardim. Albatta, sakkizta g‘alabali seriyaga ega Beneil Dariush ham bor.

Biroq Volkanovski P4P reytingining yetakchisi, katta nom. Agar UFC buni xohlasa, olg‘a bosamiz. Volkanovski yoki Dariush. Mart oyi boshida.

Habib Nurmagomedov, UFC sobiq chempioni

Jangdan so‘ng Maxachev keyingi jangini yarim yengil vazn toifasi chempioni Aleksandr Volkanovskiga qarshi o‘tkazish niyatida ekanini ma’lum qildi va uni oktagonga chorladi. Tomoshabinlar orasida o‘tirgan avstraliyalik yakkakurashchi oktagonga chiqib keldi va jangga tayyor ekanini bildirdi.