Футбол бўйича Англия Премер Лигасининг 13-туридан ўрин олган қатор учрашувлар 23 октябрь, якшанба куни бўлиб ўтди.
«Арсенал» сафарда «Саутҳэмптон»га қарши баҳс олиб борди. Учрашувнинг 11-дақиқасида Гранит Жака лондонликларни олдинга олиб чиқди. 65-дақиқада майдон эгалари мувозанатни тиклашга муваффақ бўлди. учрашувнинг қолган вақтида ҳисоб ўзгармади.
«Арсенал» 28 очко билан биринчи ўринни сақлаб турибди. «Саутҳэмптон» очколарини 12 тага етказиб олган ҳолда 15-поғонага кўтарилди.
«Вулверҳэмптон» майдонида меҳмон бўлган «Лестер» рақибини тор-мор келтирди. Юри Тилеманс, Ҳарви Барнс, Жеймс Мэддисон ва Жейми Варди томонидан киритилган тўплар «тулкилар»га йирик ғалабани тақдим этди.
Стивен Жеррардни истеъфога чиқарган «Астон Вилла» муваффақиятсиз сериясига чек қўйди. Бирмингемликлар ўз уйида «Брентфорд»га жавобсиз тўртта гол урди.
АПЛ
13-тур баҳслари
23 октябрь, якшанба
«Саутҳэмптон» – «Арсенал» 1:1
Голлар: 0:1 – 11 Жака, 1:1 – 65 Армстронг.«Саутҳэмптон»: Базуну, Войнович, Чалета-Цар, Салису, Перро, Эльюнусси, Армстронг (Эдози, 80), Уорд-Проуз, Диалло, Арибо (Адамс, 73), Армстронг (Уолкотт, 73).
«Арсенал»: Рэмсдейл, Уайт (Тирни, 72), Габриэль, Салиба, Томиясу, Жака, Парти, Эдегор (Фабиу Виейра, 83), Сака, Габриэль Жезус, Мартинелли (Нкетиа, 71).
Огоҳлантиришлар: Сака (29), Уолкотт (89), Войнович (90).
Изоҳ (0)