BAAning Abu-Dabi shahrida o‘tgan UFC 280 musobaqasida promoushen jangchilari Abubakar Nurmagomedov (17-3) va Hamzat Chimayev (12-0) o‘rtasida janjal sodir bo‘ldi.
Kechaning asosiy jangidan keyin sportchilar avvaliga qo‘l berib ko‘rishgan va bir-biri bilan suhbat qilgan. Chimayev birinchi bo‘lib Abubakarga zarba bergan, keyin Nurmagomedov unga javob qaytargan.
Mushtlashuv uzoqqa cho‘zilmagan, atrofdagilar darhol vaziyatga aralashib, jangchilarni ajratib yuborgan.
UFC prezidenti Deyna Uayt ushbu holatni quyidagicha izohladi.
“Bunday holatlar kuzatilib turadi, ayniqsa ular ishtirokida. Avvaliga Chimayev musobaqaga tashrif buyurganini bilmagandim. Uni Abu-Dabi tomon chaqirgan ekan”, — deydi Uayt.
Abubakar Nurmagomedov ushbu MMA oqshomida Gaji Umargajiyevni mag‘lub etdi.
Mavzuga doir:
- UFC 280. Islom Maxachev Charlz Oliveyrani muddatidan avval mag‘lub etib, yangi chempionga aylandi
- UFC 280. Aljameyn Sterling Dillashou ustidan g‘alaba qozonib, kamarini saqlab qoldi
- UFC 280. Shon O‘Melli sensatsion tarzda Pyotr Yanni mag‘lub etdi
- UFC 280. Mahmud Murodov braziliyalik raqibiga imkoniyatni boy berdi
Izoh (0)