Yaponiyada inflyatsiya darajasi sentabr oyida 3 foizga yetdi. Bu haqda Yaponiya Milliy ishlar va kommunikatsiyalar vazirligiga tayanib “RIA Nivosti” xabar bermoqda.
3 foizlik ko‘rsatkich Yaponiya banki (mamlakat markaziy banki) tomonidan belgilangan 2 foiz inflyatsiya darajasidan yuqoridir. 1991-yil avgustidan beri birinchi marta narxlar 3 foizga oshdi.
Narxlarning oshishi ketma-ket 13 oy davom etmoqda. Bunga energiya narxining oshishi va Yaponiya milliy valyutasining rekord darajadagi past kursi sabab bo‘lmoqda. Iyena kursi 32 yillik eng past darajaga tushib ketdi.
20-30 yil oldin past iyena kursi Yaponiyada ishlab chiqarilgan tovarlarning chet elda jozibadorligini oshirgan. Hozirda esa ko‘plab kompaniyalar ishlab chiqarishni chet elga ko‘chirgan.
Import qilingan xomashyo narxlari oshib borayotgan bir paytda, past iyena kursi iqtisodiyot uchun noqulaydir.
Yaponiya milliy valyutasi kursining tez pasayishning davom etishining asosiy sababi Amerika va Yaponiya markaziy banklarining pul-kredit siyosatiga yondoshuvidagi kuchli tafovutdir — AQSH Federal rezerv tizimi asosiy stavkasini oshirishda davom etmoqda, Yaponiya banki esa uni salbiy darajada saqlab qolmoqda
Izoh (0)