Bloomberg ma’lumotlariga ko‘ra, Yevropa qish uchun tabiiy gaz ta’minotini to‘ldirish ustida qattiq ish olib bordi. Ammo milliy hukumatlar bu ta’minot ustidan kam nazoratga ega.
Agentlikning qayd etishicha, Italiyadan Niderlandiyaga saqlanadigan gazning atigi 10 foizga yaqini milliy strategik zaxiralar orqali hukumat amaldorlarining bevosita nazorati ostida.
Qolgan qismi gazni eng yuqori narx taklif qilganga sotish huquqiga ega bo‘lgan xalqaro savdo va energetika kompaniyalari hamda sanoat guruhlari tomonidan nazorat qilinadi.
Yonilg‘ining kichik bir qismi Glencore va Vitol Group kabi savdo kompaniyalari qo‘lida bo‘lib, ularning asosiy manfaatlari o‘z portfellari qiymatini maksimal darajada oshirishdir.
Bloomberg’ning qayd etishicha, Yevropa qish uchun o‘zini gaz bilan ta’minlay olmasligidan qo‘rqib, uni to‘plash bo‘yicha sa’y-harakatlarni rag‘batlantirdi — Yevropa gaz omborlari hozir deyarli to‘lgan, to‘ldirish darajasi besh yillik o‘rtacha ko‘rsatkichdan oshib ketgan.
Ammo ta’minot xavfining oldini olish uchun hukumatlar favqulodda holat e’lon qilishga urinishi mumkin, deb yozadi agentlik.
Bunday holatda, Germaniya Federal tarmoq agentligi, shuningdek, boshqa shunga o‘xshash tartibga soluvchi organlar gazni saqlash joylaridan yetkazib berishga ruxsat berish yoki taqiqlash huquqiga ega bo‘ladi.
Agentlik ma’lumotlariga ko‘ra, Germaniyadagi gaz zaxiralari yillik talabning atigi 25 foizini qoplaydi, vaholanki, mamlakat Yevropadagi eng katta gaz saqlash quvvatiga ega va Avstriya zaxiralaridan foydalanishi mumkin.
Qish mavsumida Avstriya odatda yetkazib beruvchi sifatida ishlaydi, saqlash hajmining uchdan ikki qismidan ko‘prog‘i boshqa mamlakatlarga beriladi.
Chexiya va Vengriya ham foydalanish uchun zarur bo‘lganidan ko‘proq quvvatga ega. Polsha gaz zaxiralari bo‘yicha qiyin ahvolda.
Izoh (0)