Японияда инфляция даражаси сентябрь ойида 3 фоизга етди. Бу ҳақда Япония Миллий ишлар ва коммуникациялар вазирлигига таяниб «РИА Нивости» хабар бермоқда.
3 фоизлик кўрсаткич Япония банки (мамлакат марказий банки) томонидан белгиланган 2 фоиз инфляция даражасидан юқоридир. 1991 йил августидан бери биринчи марта нархлар 3 фоизга ошди.
Нархларнинг ошиши кетма-кет 13 ой давом этмоқда. Бунга энергия нархининг ошиши ва Япония миллий валютасининг рекорд даражадаги паст курси сабаб бўлмоқда. Иена курси 32 йиллик энг паст даражага тушиб кетди.
20-30 йил олдин паст иена курси Японияда ишлаб чиқарилган товарларнинг чет элда жозибадорлигини оширган. Ҳозирда эса кўплаб компаниялар ишлаб чиқаришни чет элга кўчирган.
Импорт қилинган хом ашё нархлари ошиб бораётган бир пайтда, паст иена курси иқтисодиёт учун ноқулайдир.
Япония миллий валютаси курсининг тез пасайишнинг давом этишининг асосий сабаби Америка ва Япония марказий банкларининг пул-кредит сиёсатига ёндошувидаги кучли тафовутдир — АҚШ Федерал резерв тизими асосий ставкасини оширишда давом этмоқда, Япония банки эса уни салбий даражада сақлаб қолмоқда
Изоҳ (0)