Shavkat Mirziyoyev Serdar Berdimuhamedovning taklifiga binoan 20-oktabr kuni Turkmanistonga tashrif buyurgandi. 21-oktabrda Shavkat Mirziyoyevni rasmiy kutib olish marosimi bo‘lib o‘tdi.
Davlat rahbati matbuot xizmatining qayd etishicha, marosim Turkmaniston prezidentining qarorgohi — “Og‘uzxon” saroy majmuasida o‘tkazildi. Oliy martabali mehmon sharafiga faxriy qorovul saf tortdi. Ikki mamlakatning davlat madhiyalari yangradi.
Marosimda rasmiy delegatsiyalar a’zolari ishtirok etdi.
Shavkat Mirziyoyev va Serdar Berdimuhamedov birgalikda suratga tushdi.
Shundan so‘ng davlat rahbarlari tor doirada muzokara o‘tkazishni boshladi.
Tashrif dasturiga muvofiq, ikki tomonlama va mintaqaviy kun tartidagi dolzarb masalalarni muhokama qilish uchun oliy darajadagi muzokaralar bo‘lib o‘tadi.
Asosiy e’tibor O‘zbekiston—Turkmaniston strategik sheriklik munosabatlarini yangi bosqichda mustahkamlash, sanoat, energetika va kimyo tarmoqlarida, qishloq xo‘jaligi, transport va logistika sohalarida kooperatsiyani kengaytirish, faol madaniy-gumanitar almashinuvni davom ettirish masalalariga qaratiladi.
Sammit yakunida hamkorlikning ustuvor yo‘nalishlari bo‘yicha ikki tomonlama hujjatlarning salmoqli to‘plamini qabul qilish ko‘zda tutilgan.
Shuningdek, tashrif davomida Ashxobod shahrida “Toshkent” bog‘ini ochish va Chegaraoldi savdo markazini qurish bo‘yicha loyihani birgalikda boshlab berish rejalashtirilgan.
Izoh (0)