Ukraina Qurolli kuchlari qo‘mondonligi Belarus xalqiga murojaat qilib, ularni Rossiyaning Ukrainaga qarshi urushiga qo‘shilmaslikka chaqirdi, deb yozadi Meduza.
Ukraina Qurolli kuchlari Belarus xalqiga murojaat qiladi! Asrlar davomida xalqlarimizni do‘stlik, yaxshi qo‘shnichilik munosabatlari bog‘lab kelgan, tariximizda ko‘p marotaba umumiy dushmanlarga qarshi birgalikda kurashganmiz, hamisha bir-birimizni qo‘llab-quvvatlab, tinch-totuv yashab kelganmiz. Bugun sizning rahbariyatingiz Rossiyaning Ukrainaga qarshi qurolli agressiyasiga qo‘shilishga tayyorlanmoqda, ular belarus xalqini qon va o‘limga bo‘yalgan iflos urushga tortmoqchi.Murojaatda aytilishicha, Ukraina hech qachon Belarusga tahdid qilmagan va 2022-yil 24-fevraldan beri Ukraina Qurolli kuchlari Belarus hududidan Ukrainaga aviatsiya, artilleriya va raketa zarbalari berilayotganiga “hech qachon javob qaytarmagan”.
“Agar Belarus armiyasi Rossiya agressiyasini qo‘llab-quvvatlasa, Ukraina hududidagi barcha bosqinchilarga qanday javob bergan bo‘lsak, ularga ham xuddi shunday keskin javob beramiz”, — deyiladi murojaatda.
Ukraina Qurolli Kuchlari Belarusning barcha fuqarolarini “rahbariyatning Ukrainaga qarshi urushga kirish haqidagi buyrug‘ini bajarmaslikka” va harbiy jinoyatlar uchun javobgarlikni Rossiya bilan bo‘lishmaslikka chaqirdi.
“Biz sizdan Putin va Lukashenkoning ambitsiyalari va hokimiyat vasvasalari uchun halok bo‘lgan o‘g‘illaringizni, erlaringizni, otalaringizni, aka-ukalaringizni o‘limga yubormaslikka chaqiramiz”, — deyiladi murojaat mualliflari. Ukraina Qurolli kuchlari, shuningdek, Belarus-Ukraina chegarasi orqali qo‘llarida qurol bilan olib o‘tiladigan barchalarni quroldan foydalanmaslikka va taslim bo‘lishga da’vat edi.
Izoh (0)