Украина Қуролли кучлари қўмондонлиги Беларусь халқига мурожаат қилиб, уларни Россиянинг Украинага қарши урушига қўшилмасликка чақирди, деб ёзади Meduza.
Украина Қуролли кучлари Беларусь халқига мурожаат қилади! Асрлар давомида халқларимизни дўстлик, яхши қўшничилик муносабатлари боғлаб келган, тарихимизда кўп маротаба умумий душманларга қарши биргаликда курашганмиз, ҳамиша бир-биримизни қўллаб-қувватлаб, тинч-тотув яшаб келганмиз. Бугун сизнинг раҳбариятингиз Россиянинг Украинага қарши қуролли агрессиясига қўшилишга тайёрланмоқда, улар беларус халқини қон ва ўлимга бўялган ифлос урушга тортмоқчи.Мурожаатда айтилишича, Украина ҳеч қачон Беларусга таҳдид қилмаган ва 2022 йил 24 февралдан бери Украина Қуролли кучлари Беларусь ҳудудидан Украинага авиация, артиллерия ва ракета зарбалари берилаётганига «ҳеч қачон жавоб қайтармаган».
«Агар Беларусь армияси Россия агрессиясини қўллаб-қувватласа, Украина ҳудудидаги барча босқинчиларга қандай жавоб берган бўлсак, уларга ҳам худди шундай кескин жавоб берамиз», — дейилади мурожаатда.
Украина Қуролли Кучлари Беларуснинг барча фуқароларини «раҳбариятнинг Украинага қарши урушга кириш ҳақидаги буйруғини бажармасликка» ва ҳарбий жиноятлар учун жавобгарликни Россия билан бўлишмасликка чақирди.
«Биз сиздан Путин ва Лукашенконинг амбициялари ва ҳокимият васвасалари учун ҳалок бўлган ўғилларингизни, эрларингизни, оталарингизни, ака-укаларингизни ўлимга юбормасликка чақирамиз», — дейилади мурожаат муаллифлари. Украина Қуролли кучлари, шунингдек, Беларусь-Украина чегараси орқали қўлларида қурол билан олиб ўтиладиган барчаларни қуролдан фойдаланмасликка ва таслим бўлишга даъват эди.
Изоҳ (0)