Rossiyalik taniqli jurnalist Olga Romanova o‘z Telegram kanali orqali mamlakat FXXga aloqador yangi buyruqni ulashdi va undan hayratlanganini bildirdi.
“Qarang, qanday qiziq buyruq. O‘qishni istamasangiz, undan xulosa quyidagicha: agar siz tojik, qirg‘iz yoki o‘zbek bo‘lsangiz, ehtimol siz josussiz va NATO tomonidan yollangansiz. Biz reyd o‘tkazib, buni aniqlaymiz. Va bu yerda filtrlash lagerlari ishga tushadi. Ammo siz uni chetlab o‘tishingiz mumkin, faqatgina urushga borish uchun ro‘yxatdan o‘tish orqali. Shuningdek, ikkita maxfiy punkt, bu yerda esa har qanday fantaziya chalkashib ketadi”, — deydi jurnalist.
Avvalroq Romanovaning O‘zbekiston, Belarus, Qirg‘iziston, Ozarbayjon fuqarolarining ham urushga olib ketilayotgani haqida gapirgani xabar qilingan edi.
Izoh (0)