AQSHning 35-prezidenti Jon Kennedining nevara jiyani 28 yoshli Konor Kennedi o‘z Instagram’ida Ukraina xalqaro legion tarkibida jang qilgani haqida gapirib berdi.
U harbiy tajribaga ega bo‘lmagan holda ushbu legionga a’zo bo‘lgan, biroq haqiqiy familiyasini oshkor qilmagan.
“Oilam yoki do‘stlarim xavotir olishlarini, yoki bo‘lmasam, u yerda menga boshqacha munosabatda bo‘lishlarini xohlamadim”, — deb yozadi Konor.
Amerikalikning so‘zlariga ko‘ra, u biroz vaqt shimoli-sharqiy frontda xalqaro legion tarkibida bo‘lgan.
Konor urush dahshatli bo‘lganini, u qo‘rquvni his qilganini tan oldi.
“Bu urush joriy yuz yillikda demokratiya taqdirini belgilaydi”, — deb yozdi Konor. U odamlarni bunda rol o‘ynashga, o‘z imkoniyatlaridan kelib chiqib, yordam qo‘lini cho‘zishga chaqirdi. “Legionga qo‘shiling, chegarada yordam bering yoki tibbiy vositalar bilan ko‘mak ko‘rsating. U yerda har kuni kimlardir tinchlik uchun hamma narsasini qurbon qilmoqda. Ularni yolg‘iz qoldira olmaymiz”, — deya xulosa qildi Jon Kennedining qarindoshi.
Izoh (0)