Одатда жамоатчиликдан сир тутиладиган атом сувости ракета ташувчи кемаси сурати АҚШ Қуролли кучлари қўмондонлиги томонидан Twitter’да эълон қилинди, деб хабар бермоқда UNIAN.
Таъкидланишича, «Қиёмат куни кемаси» 20 октябрь ҳолатига Араб денгизи халқаро сувларида (Саудия Арабистони ва Эрон яқинида) бўлиб турибди.
Суратда «Орландо» синфидаги сувости кемасини кўриш мумкин, унинг бортида эса 24 та қитъалараро баллистик ракета жойлашган бўлиб, уларнинг ҳар бирида 12 тадан ажралиб чиқувчи ядровий жанговар каллаклар мавжуд.
Октябрь бошида НАТО равзедкаси альянс қўмондонлигини Россия томонидан масофадан туриб бошқариладиган «Посейдон» сувости қурилмаси синовдан ўтказилаётгани эҳтимоли ҳақида огоҳлантирган эди. Разведка хабарига кўра, Россиянинг «Посейдон» торпедаларидан иборат атом сувости кемаси «базадан ғойиб бўлган». Махсус хизматлар ҳисоботида айтилишича, Кара денгизида «Белгород» кўп мақсадли атом сувости кемаси ҳаракатлангани қайд этилган. Экспертлар у ерда ядровий учувчисиз учар қурилма отилишидан хавфсираган. Бироқ кўп ўтмай, бу хабарлар сохта бўлиб чиққани хабар берилди.
Изоҳ (0)