Yevropa Ittifoqi va Janubi-sharqiy Osiyo davlatlari assotsiatsiyasiga a’zo bo‘lgan 10 ta davlat 14-dekabr kuni Bryusselda bo‘lib o‘tadigan sammitga Rossiyani Ukrainadagi mojaro va Xitoyni Tayvanga qarshi qaratilgan harakatlarini qoralovchi bayonot tayyorlamoqda, deb yozadi Easy Daily.
“Biz Rossiyaning Ukrainaga qarshi xalqaro huquqni buzuvchi tajovuzkorligini keskin qoralaymiz va Rossiyani harbiy bosqinini zudlik bilan va so‘zsiz to‘xtatishga hamda Ukraina hududidan barcha kuchlar va harbiy texnikani olib chiqib ketishga chaqiramiz”, — deyiladi portal bayonot loyihasida.
Hujjatda Xitoyning harakatlarini qoralash ham rejalangan.
“Janubiy Xitoy dengizida biz dengiz xavfsizligi, navigatsiya va havoda parvozlar erkinligini ta’minlash tarafdorimiz. Biz Tayvan bo‘g‘ozida so‘nggi paytlarda keskinlik kuchayganidan xavotirdamiz va kuch ishlatishga qarshimiz. Biz Tayvan bo‘g‘ozida tinchlik va barqarorlik muhimligini ta’kidlaymiz va Tayvan bo‘g‘ozi bilan bog‘liq muammolarni tinch yo‘l bilan hal qilishga chaqiramiz”, — deyiladi bayonot loyihasida.
Yevropa Ittifoqi va Janubi-Sharqiy Osiyo davlatlari assotsiatsiyasi 14-dekabr kuni Bryusselda milliy yetakchilar yig‘ilishini o‘tkazib, ikki assotsiatsiya o‘rtasidagi savdo-sotiqni kengaytirish masalalarini muhokama qiladi. Nikkei gazetasining Yevropa rasmiysiga tayanib yozishicha, Yevropa Ittifoqi Rossiya bilan keskin munosabatlar va Xitoy bilan kelishmovchiliklar tufayli ASEAN bilan munosabatlarni mustahkamlashga, Janubi-Sharqiy Osiyo davlatlarining Rossiya Federatsiyasi va Xitoy bilan yaqinlashishiga yo‘l qo‘ymaslikka, Indoneziya bilan muzokaralarni faollashtirishga, Filippin, Malayziya va Tailand resurslarga boy Rossiyaga qaramligini kamaytirish uchun erkin savdo to‘g‘risida shartnomalar tayyorlamoqchi.
Izoh (0)