Checheniston rahbari Ramzan Qodirovning uch farzandi — Axmat (2005-yilda tug‘ilgan), Zelimxon (2006) va Adam (2007) Rossiya armiyasi va Ukraina Qurolli kuchlari o‘rtasida “shiddatli janglar” kechayotgan to‘qnashuv chizig‘iga bordi. Qodirovning so‘zlariga ko‘ra, uning farzandlari o‘t ochish uchun rossiyalik askarlarga yo‘l ochib bergan, avvalroq esa ular Ukraina Qurolli kuchlarining qarshi hujumini qaytarishga muvaffaq bo‘lgan.
“Axmat, Eli va Adam bir necha kundan beri Checheniston respublikasi delegatsiyasi tarkibida Ichkeriya batalonlari a’zolarini faol ravishda qidirmoqda, yo‘l-yo‘lakay Checheniston xavfsizlik kuchlarining joylashuvi va ilg‘or pozitsiyalarini ko‘rib o‘tmoqda”, — dedi Qodirov Telegram-kanalida.
3-oktabr kuni Ramzan Qodirov farzandlarini “oldingi safga” jo‘natishga va’da bergan edi. Uning tushuntirishicha, yigitlar yoshligidan harbiy tayyorgarlikdan o‘tgan.
Izoh (1)
Paxta qoʻyish ham evi bilanda, buncha yaloqxoʻr boʻlmasa. Bunisi oshib tushdi, musulmonchilikka toʻgʻriyam kelmasov?