Turkiya prezidenti Rajab Toyyib Erdo‘g‘on Ukraina yetakchisi Vladimir Zelenskiy bilan telefon orqali muloqot qildi va uni mamlakatdagi mojaroni diplomatik usullar bilan hal qilishga chaqirdi, deb xabar berdi Haberturk.
Erdo‘g‘on muzokaralar “har qanday sharoitda ham” Ukraina prezidentining ustuvor yo‘nalishi bo‘lib qolishi kerakligini ta’kidladi. Turkiya rahbarining o‘zi Ukraina va Rossiya o‘rtasida vositachi bo‘lishga va diplomatik jarayonlarni tashkil qilishda har qanday yordam berishga tayyorligini bildirdi.
Erdo‘g‘on, shuningdek, Zelenskiyga Bartindagi kondagi portlash munosabati bilan ta’ziya bildirgani uchun minnatdorchilik izhor etdi.
Avvalroq OAVda Turkiya rasmiylari Rossiya va yetakchi G‘arb davlatlari o‘rtasida Istanbulda muzokaralar tashkil etishga tayyorligi haqida xabarlar tarqalgan edi.
Shuningdek, 18-oktabr kuni Anqara Putin va Zelenskiyni uchrashtirishning hozircha hech qanday imkoni yo‘qligini bildirgani haqida xabar berilgan edi.
Izoh (0)