20-oktabr kuni butun Ukraina bo‘ylab elektr toki o‘chiriladi

20-oktabr kuni butun Ukraina bo‘ylab barqarorlashtiruvchi elektr ta’minotida uzilishlar yuz beradi. Bu haqda Ukraina prezidenti ofisi rahbari o‘rinbosari Kirilo Timoshenko va “Ukrenergo” kompaniyasi ma’lum qildi.

Bunga Rossiyaning Ukraina energetika obyektlariga hujumlaridan so‘ng energetika tizimidagi quvvat taqchilligi sabab bo‘lmoqda, deb izohladi “Ukrenergo”.

Bugun, 19-oktabr kuni Ukraina Qurolli kuchlari bilan jang maydonida raqobatlasha olmaydigan dushman yana fuqarolik energetika infratuzilmasiga hujum qildi. Shuning uchun, ertaga biz tizimning muvozanatli ishlashi uchun nazorat ostida hisoblangan iste’molchi cheklovlarini qo‘llaymiz, — deyiladi 19-oktabr kuni kechqurun e’lon qilingan xabarda.

Shuningdek, 20-oktabrdan boshlab Ukraina shaharlarida ko‘chalarni yoritish cheklanadi, deya qo‘shimcha qildi Timoshenko.

Kiyev meri Vitaliy Klichko do‘konlar, kafe va restoranlar egalaridan tabel yoritgichlarini tejashni so‘radi — poytaxtda isitish mavsumi 20-oktabrdan boshlanadi. Odessa viloyati harbiy ma’muriyati rahbari Maksim Marchenko korxonalarda ham elektr energiyasi uzilishini aytdi. Nikolayev meri Aleksandr Senkevichning so‘zlariga ko‘ra, shaharda 20-oktabr kuni ko‘chalarda trolleybuslar soni 60 foizga qisqaradi va svetoforlar o‘chiriladi.

Rossiya 9-oktabr kuni Qrim ko‘prigida ro‘y bergan portlashdan so‘ng Ukrainadagi energetika obyektlariga muntazam ravishda hujum qila boshladi. Rossiya rasmiylari portlashni uyushtirishda Ukraina razvedka xizmatlarini aybladi.

18-oktabr kuni Ukraina prezidenti Vladimir Zelenskiy Ukraina elektr stansiyalarining uchdan bir qismi Rossiya zarbalariga uchraganini aytdi. 19-oktabr kuni, uning so‘zlariga ko‘ra, yana uchta energetika obyektiga hujum qilingan.

Avvalroq, energetika infratuzilmasi o‘qqa tutilgani sababli, Ukraina hukumati mamlakat aholisidan elektr energiyasi iste’mol qilishni cheklashni so‘ragan edi.