Germaniya prezidenti Frank-Valter Shtaynmayer xavfsizlik nuqtayi nazaridan Kiyevga tashrifini bekor qildi, deb xabar beradi Meduza.
Shtaynmayer 20-oktabrda Kiyevga tashrif buyurishni rejalashtirgan. Biroq 18-oktabr kuni u Germaniya xavfsizlik idoralarining so‘nggi qarashlariga ko‘ra safarni bekor qildi. Qaror Qrim ko‘prigidagi portlashdan keyin Kiyevga qilinayotgan muntazam hujumlar bilan bog‘liq bo‘lishi mumkin, deyiladi xabarda.
Shtaynmayerning tashrifi bir necha hafta davomida muvofiqlashtirildi va uning bekor qilinishi Kiyevning g‘azabiga sabab bo‘ldi, deb yozadi Bild.
“Federal prezident tashrifini bekor qilgan bir paytda ko‘plab xorijiy diplomatlar va mehmonlar hozirda Ukraina poytaxtiga kelishga hozir”, — deydi ukrainalik ismini oshkor etmagan rasmiy.
Izoh (0)