Isroil mudofaa vaziri Benni Gants 19-oktabr, chorshanba kuni mamlakat hukumati Ukrainaga raketa zarbalaridan ogohlantirish tizimini ishlab chiqishda yordam berishni taklif qilganini, ammo qurol tizimlarini bermasligini aytdi, deb yozadi “Ukrinform”.
“Ukrainaga nisbatan siyosatimiz o‘zgarmaydi — biz uni G‘arb bilan birgalikda qo‘llab-quvvatlashda davom etamiz, ammo qurol yetkazib bermaymiz. Biz ukrainaliklardan o‘z ehtiyojlari haqida ma’lumot almashishni so‘radik va raketa hujumlaridan erta ogohlantirish tizimini ishlab chiqishda yordam berishni taklif qildik”, — deydi Gants.
Isroil mudofaa vazirining aytishicha, Quddus Kiyevga mamlakatning havo hujumidan mudofaa tizimlariga bo‘lgan ehtiyoji to‘g‘risida ma’lumot almashish uchun so‘rov yuborgan va javob olgach, “tinch aholining hayotini saqlab qoladigan erta ogohlantirish tizimini ishlab chiqishga yordam bera olishi mumkin”.
Izoh (0)