Eron Tashqi ishlar vazirligi Britaniyaning bir qator muassasalari va jismoniy shaxslariga “terrorizm va terrorchi guruhlarni ataylab qo‘llab-quvvatlash, zo‘ravonlik, nafrat so‘zlari va inson huquqlarini poymol qilishga da’vat etish” ayblari bilan sanksiyalar kiritdi. Bu haqda Iron Tashqi ishlar vazirligi saytida xabar berilgan.
Xususan, Eron sanksiyalariga tushganlar ro‘yxatiga quyidagilar kiradi: Buyuk Britaniya Milliy kiberxavfsizlik markazi, Buyuk Britaniya hukumati bilan aloqalar bo‘yicha bosh shtab, bir qator ommaviy axborot vositalari – VolantMedia, GlobalMedia, DMA Media, BBC fors ximati va Iran International, ularning sho‘balari, shuningdek, siyosatchilar va yuqori martabali harbiylar.
Qayd etilishicha, sanksiyalar Eronga kirishni va vizalar berishni taqiqlash, ularning Erondagi mol-mulki va aktivlarini xatlovga olish, mamlakat moliya va bank tizimidagi bank hisoblarini muzlatishni nazarda tutadi.
Qora ro‘yxatga kiritilgan shaxslar Eron xalqiga qarshi tartibsizliklar, zo‘ravonlik va terrorchilik hujumlariga sabab bo‘lgan faoliyatlarda qatnashgan. Birlashgan Qirollikning terrorizm va nafrat so‘zlariga qarshi kurashish hamda inson huquqlarini himoya qilish bo‘yicha xalqaro majburiyatlarini eslatgan holda, Eron Islom respublikasi Londonning yuqorida qayd etilgan shaxslarga nisbatan sanksiyalarga qarshi chiqishi va ularni qo‘llab-quvvatlashdan bosh tortishi Buyuk Britaniyaning xalqaro majburiyatlarini qo‘pol ravishda buzishi ekanligini e’lon qiladi, — deyiladi saytda.Avval Ukraina TIV Eronni Rossiyaning “terrorchilik harakatlari va agressiyasiga” sherik deb atagan edi. Vazirlik Eron hukumatini Rossiyaga qurol-yarog‘ yetkazib berishni to‘xtatishga, Yevropa Ittifoqini esa Eronga qarshi sanksiyalar joriy etishga chaqirgan.
Izoh (0)