Amerikaning Yuta shtatida F-35 qiruvchi samolyoti halokatga uchradi. Bu haqda AQSH Harbiy-havo kuchlarining 388-aviatsiya qanoti bayonotiga tayanib, “RBK” xabar berdi.
“388-aviaqanotidan F-35 qiruvchi samolyoti Xill aviabazasidagi uchish-qo‘nish yo‘lagining shimoliy chekkasida qulab tushdi. Uchuvchi samolyotni parashyutda tark etdi”, — deyiladi xabarda.
Voqea joyida qutqaruvchilar ishlamoqda. Hodisa sabablari haqida ma’lumot berilmagan.
F-35 — Amerikaning Lockheed Martin kompaniyasi tomonidan ishlab chiqilgan beshinchi avlod ko‘p funksiyali qiruvchi-bombardimonchi. 2021-yilning yanvar oyida Qo‘shma Shtatlar ushbu samolyotlarni to‘liq hajmda ishlab chiqarishni noma’lum muddatga kechiktirgan edi. Buning sababi “texnik muammolar va COVID-19 ta’siri”, deb izohlagan Pentagon matbuot kotibi Ellen Lord.
2021-yilning noyabr oyida Britaniya Harbiy-havo kuchlarining F-35 qiruvchisi O‘rta Yer dengizida halokatga uchragan edi. Bungacha, 2020-yil iyun oyida Yuta shtatidagi Xill havo kuchlari bazasiga qo‘nayotgan F-35A Lightning II samolyoti shassiga qo‘nayotgan paytda buzilib qolgan. Har ikki holatda uchuvchilar samolyotni tark etishga muvaffaq bo‘lgan.
Izoh (0)