Эрон Ташқи ишлар вазирлиги Британиянинг бир қатор муассасалари ва жисмоний шахсларига «терроризм ва террорчи гуруҳларни атайлаб қўллаб-қувватлаш, зўравонлик, нафрат сўзлари ва инсон ҳуқуқларини поймол қилишга даъват этиш» айблари билан санкциялар киритди. Бу ҳақда Ирон Ташқи ишлар вазирлиги сайтида хабар берилган.
Хусусан, Эрон санкцияларига тушганлар рўйхатига қуйидагилар киради: Буюк Британия Миллий киберхавфсизлик маркази, Буюк Британия ҳукумати билан алоқалар бўйича бош штаб, бир қатор оммавий ахборот воситалари – ВолантМедиа, ГлобалМедиа, ДМА Медиа, BBC форс химати ва Иран International, уларнинг шўъбалари, шунингдек, сиёсатчилар ва юқори мартабали ҳарбийлар.
Қайд этилишича, санкциялар Эронга киришни ва визалар беришни тақиқлаш, уларнинг Эрондаги мол-мулки ва активларини хатловга олиш, мамлакат молия ва банк тизимидаги банк ҳисобларини музлатишни назарда тутади.
Қора рўйхатга киритилган шахслар Эрон халқига қарши тартибсизликлар, зўравонлик ва террорчилик ҳужумларига сабаб бўлган фаолиятларда қатнашган. Бирлашган Қиролликнинг терроризм ва нафрат сўзларига қарши курашиш ҳамда инсон ҳуқуқларини ҳимоя қилиш бўйича халқаро мажбуриятларини эслатган ҳолда, Эрон Ислом республикаси Лондоннинг юқорида қайд этилган шахсларга нисбатан санкцияларга қарши чиқиши ва уларни қўллаб-қувватлашдан бош тортиши Буюк Британиянинг халқаро мажбуриятларини қўпол равишда бузиши эканлигини эълон қилади, — дейилади сайтда.Аввал Украина ТИВ Эронни Россиянинг «террорчилик ҳаракатлари ва агрессиясига» шерик деб атаган эди. Вазирлик Эрон ҳукуматини Россияга қурол-яроғ етказиб беришни тўхтатишга, Европа Иттифоқини эса Эронга қарши санкциялар жорий этишга чақирган.
Изоҳ (0)