Hyundai tadqiqot instituti mutaxassislari hisob-kitoblariga ko‘ra, Koreyaning ommabop BTS guruhi a’zolari armiyaga yuborilishi natijasida mamlakat milliardlab dollar yo‘qotishi mumkin. Bu haqda The Korea Herald xabar bermoqda.
Tahlilchilar ma’lumotlariga ko‘ra, guruh faoliyati Janubiy Koreya iqtisodiyotiga yiliga qariyb 3,6 milliard dollar olib keladi. Shuningdek, BTS’ga aloqador buyumlar va kosmetika sotuvidan davlat xazinasiga 1,1 milliard dollardan ortiq mablag‘ tushadi. Bundan tashqari, ma’lumotlarga ko‘ra, 2017-yilda sayyohlarning har 13-si mamlakatga faqat BTS guruhi uchun kelgan.
Avvalroq Janubiy Koreyaning BTS pop-guruhining yetti nafar ishtirokchilarining barchasi armiyaga ketishi ma’lum bo‘lgandi.
Janubiy Koreya qonunlariga muvofiq, 18 yoshdan 28 yoshgacha bo‘lgan mehnatga layoqatli erkaklarning barchasi armiyada 18 oydan 21 oygacha muddat davomida xizmat o‘tashi kerak. OAVlar xabariga ko‘ra, Janubiy Koreya parlamenti 2020-yilda K-pop yulduzlar uchun ataylab armiyaga chaqirilish yoshini 30 yoshgacha ko‘targan.
BTS “taxminan 2025-yilda” qayta yig‘ilishi xabar berildi.
Keyinroq mamlakat Mudofaa vazirligi guruh a’zolari armiyada xizmat o‘tash chog‘ida ham milliy darajadagi konsertlar va tadbirlarda chiqish qilishi mumkinligini ma’lum qildi.
Izoh (0)