Samarqand viloyatining Urgut tumanida maktab direktori 12 yoshli o‘quvchini urishi oqibatida uning quloq pardasi yirtilgandi. Samarqand viloyat xalq ta’limi boshqarmasi direktor lavozimidan ozod etilganini ma’lum qildi.
Boshqarma ishchi guruhi tomonidan olib borilgan o‘rganishlar natijasida ma’lum bo‘lishicha, 12-oktabr kuni soat taxminan 13:30 larda Urgut tumani 61-maktabning 6-sinfda dars o‘tayotgan ona tili va adabiyot o‘qituvchisi koridorda direktorning ovozini eshitgach, bolalar darsga quloq solmasdan pirotexnika vositalarini portlatayotganligidan shikoyat qilgan.
Direktor sinfxonaga kirib so‘rab o‘tirmasdan shu sinf o‘quvchisi D.H.ni urib ketgan. Guvohlarning ta’kidlashicha, jabrlanuvchi sinfdagi bezorilikda ishtirok etmagan.
Yuqoridagi holatdan kelib chiqib, ushbu maktab direktori B.R. Samarqand viloyat xalq ta‘limi boshqarmasining tegishli buyrug‘iga asosan lavozimidan ozod etilgan.
“Samarqand viloyat xalq ta’limi boshqarmasi har qanday holatda ham o‘qituvchilarning o‘quvchilarga bo‘lgan agressiv munosabatlarini qoralaydi”, — deyiladi xabarda.
Mavzuga doir:
Izoh (0)