Buxoro viloyatining Qorako‘l tumanidagi uyda gaz chaqnashi oqibatida 8 yoshli bola vafot etdi. Bu haqda “Daryo”ga Bosh prokuratura axborot xizmati rahbari Hayot Shamsutdinov xabar qildi.
Ma’lum qilinishicha, gaz chaqnashi 16-oktabr kuni soat 08:55 atrofida Qorako‘l tumani, Quyi xo‘jalar qishlog‘ida yashovchi N.R.ning uyida sodir bo‘lgan. 2014-yilda tug‘ilgan, 2-sinf o‘quvchisi bo‘lgan J.S. olgan tan jarohatlari natijasida shifoxonada vafot etgan.
Mazkur holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.
Izoh (0)