Prognozlashtirish va makroiqtisodiy tadqiqotlar universiteti oziq-ovqat chiqindilari va qanday qilib uning oldini olish haqida ma’lumot berdi.
Birlashgan Millatlar Tashkilotining Atrof-muhit dasturi (UNEP) hisob-kitoblariga ko‘ra:
- global issiqxona gazlari chiqindilarining 8-10 foizi iste’mol qilinmay qolgan oziq-ovqatlar bilan bog‘liq;
- 2019-yilda dunyo bo‘ylab ishlab chiqarilgan oziq-ovqatning 17 foizi chiqindiga aylangan. Bu taxminan 931 million tonna oziq-ovqatga teng.
FAO hisob-kitoblariga ko‘ra:
Har yili tashlab yuboriladigan oziq-ovqat mahsulotlarini ishlab chiqarish uchun ishlatiladigan suvning umumiy hajmini (250 km3) Volga daryosining yillik oqimi yoki Jeneva ko‘lining uch baravar hajmi bilan solishtirish mumkin.
Oziq-ovqat chiqindilarining «uglerod izi» 3,3 milliard tonna karbonat angidridni tashkil etadi, bu atmosferaga chiqarilayotgan issiqxona gazlarining yillik hajmiga teng.
Oziq-ovqat chiqindilaridan (baliq va dengiz mahsulotlaridan tashqari) to‘g‘ridan to‘g‘ri iqtisodiy yo‘qotishlar yiliga 750 milliard dollarga yetadi.
Yaqinlashib kelayotgan bayram kunlarida qanday qilib oziq-ovqat isrofgarchiligining oldini olish mumkin?
Iste’mol qilinmagan oziq-ovqatlarni kimga berish mumkinligini oldindan o‘ylab ko‘rish zarur.
Vaziyatni holisona baholab, xaridlar ro‘yxatini tuzayotganda, qancha va qanday mahsulotlarni sotib olishni oldindan o‘ylab ko‘rish va agar uyga 5 kishi tashrif buyuradigan bo‘lsa, 50 kishiga mo‘ljallab dasturxon bezamaslik tavsiya etiladi.
Oziq-ovqat mahsulotlarini to‘g‘ri saqlash — xarid vaqtida uning to‘g‘ri saqlanishini ta’minlash kerak.
Uyga tashrif buyurgan mehmonlarga ovqatni o‘zlari solib olishlariga qo‘yib berish — mehmonlar ovqatni o‘zlari solib olsin, shunda ular aynan o‘zlari iste’mol qilishni xohlayotgan miqdorda oladi.
Izoh (0)