O‘zbekiston va Saudiya Arabistoni savdo-iqtisodiy va sarmoyaviy hamkorlikni mustahkamlash niyatida. Bu haqda Investitsiyalar va tashqi savdo vazirligi matbuot xizmati vazir birinchi o‘rinbosari Laziz Qudratov va Saudiya Arabistoni investitsiyalar vaziri o‘rinbosari Badr al-Badr o‘rtasidagi muzokaralar yakunlari bo‘yicha ma’lum qildi.
Suhbat chog‘ida ikki tomonlama savdo-iqtisodiy va sarmoyaviy hamkorlikni mustahkamlash yo‘llari, shuningdek, joriy yilning avgust oyida Saudiya Arabistoniga bo‘lib o‘tgan oliy darajadagi tashrif yakunlari bo‘yicha erishilgan loyihalarni amalga oshirish bo‘yicha kelishuvlarni hayotga tatbiq etish ko‘rib chiqildi.
Matbuot xizmati ma’lumotlariga ko‘ra, so‘nggi besh yil ichida O‘zbekistonda Saudiya Arabistoni kapitali ishtirokidagi korxonalar soni besh barobarga ko‘paygan – 38 tagacha.
Ayni paytda Saudiya Arabistonining ACWA Power kompaniyasi O‘zbekistonda energetika sohasida 4 milliard dollardan ortiq qiymatidagi bir qancha yirik sarmoyaviy loyihalarni amalga oshirmoqda.
Shuningdek, tomonlar o‘rtasida kimyo, tibbiyot, farmatsevtika va qishloq xo‘jaligi sohalaridagi loyihalarni amalga oshirishning hozirgi holati tahlil qilindi.
Izoh (0)